کابلوف: د  اوسلو ناسته کې ګډون نه کوو

د افغانستان لپاره د روسیې ځانګړي استازي ضمیر کابلوف ویلي، روسیه په اسلو کې د افغان پلاوي او لوېدیځ هېوادونو ترمنځ ناسته کې ګډون نه کوي.

کابلوف دغه راز ویلي، له دې وروسته داسې پلان هم نه لري،چې د افغانستان لپاره د امریکا ځانګړی استازی او یا هم افغان پلاوی مسکو ته ور وغواړي.

کابلوف وروسته له هغې دا خبرې کوي،چې د افغانستان لپاره د امریکا ځانګړي استازي توماس ویسټ اسلو ته رسېدلی او د اسلو ناستې هرکلی یې کړی دی.

ویسټ دا هم ویلي، امریکا به په افغانستان کې د بشري ناورین د حل په موخه له اسلامي امارت سره په ښکاره ډيپلوماسۍ ته دوام ورکړي.