Skip to content
په کابل کې د چین سفیر وانګ یو د شبنې پر ورځ د « ۱۴۰۰ د مرغومې پر ۲۵ مه» د کورنیو چارو وزارت له چارسمبالي وزیر سراج الدین حقاني سره لېدنه کړې.
وانګ یو ویلي، افغانان حق لري،چې په خپلو دیني او کلتوري ارزښتونو ولاړ نظام ولري او چین د افغانستان په کورنیو چارو کې لاسوهنه، نه کوي.
نومړي دغه راز، افغانستان کې د روان بد وضعیت پړه پر امریکا اچولې او له نړیوالو یې غوښتي،چې په افغانانو د خپلو مفکورو له تپلو لاس واخلي.
کابل کې د چین سفیر له کورنیو چارو وزیر غوښتي،چې د دوحې هوکړې له مخې باید افغان خاوره د چا پرضد ونه کارول شي.
اخوا حقاني بیا ډاډ ورکړی، چې اسلامي امارت پر خپلو ژمنو ولاړ دی او چین دې ورسره د رسمیت پېژندنې برخه کې مرسته وکړي.
