د پنجشېر د پارندې برېښنا بند د جوړولو چارې سل سلنه بشپړې شوې او دغه پروژه به په څو ورځو کې ګټه اخيستنې ته وسپارل شي.
د یاد ولایت رسنیز دفتر په خبرپاڼه کې راغلي، د دې بند په ګټې اخیستنې سره به د پنجشېر خلک په لومړي ځل د خپلو اوبو له تولید شوې برېښنا برخمن شي.
خبرپاڼه زیاتوي، د برېښنا دغه بند د څلور ميګاواټه برېښنا د توليد وړتيا او ظرفیت لري چې د ځايي چارواکو په خبره، په پنجشېر کې به برېښنا ته د خلکو اړتيا څه نا څه پوره کړي.
د برېښنا دا پروژه چې ټولټال۷.۶ ميليون ډالر لګښت پرې راغلی، د اوکراین د برېښنا بندونو اړوند متخصصينو او د انټر ګلوبل مېډل ايسټ شرکت له لوري ډیزاین او عملي شوې ده.
