د کابل پوهنتون استاد فیض الله جلال له بنده خوشې شو

د پوهنتون استاد فيض الله جلال ويلي، په زندان کې د مېلمه په توګه  ساتل کېده او هېڅ سختي ورسره نه ده شوې.

هغه له یوې رسنۍ سره په مرکه کې ویلي، د اسلامي امارت مسوولینو د حقايقو بیانولو ته هڅولی او له تُندو خبرو څخه یې منع کړی دی.

جلال ویلي، دی په ټویټر کې کوم ادرس نه لري او د ده په نوم جعلي جوړ شوي دي.

د نوموړي له ادرسه تخریبي کړنې کېدې او په دې برخه کې د وضاحت ورکولو لپاره څو ورځې وړاندې استخباراتو نیولی و.

هغه به په بحثونو کې هم ښکنځلې کولې او غیر معیاري ژبه یې کاروله.