د شمشاد راډيو ټلوېزیون اداري رییس په مسکو کې د سیمهییزو خبرو اترو مرکز له لوري د جعلي خبرونو په درېیمه ناسته کې ګډون وکړ.
په دې ناسته کې چې له ۸۰ هېوادونو د رسنیو استازو، متخصصینو، د ساینس او ټکنالوژۍ ۲زره کارپوهانو برخه درلوده، د افغانستان په استازولۍ په کې د شمشاد راډیو ټلویزیون اداري رییس عبدالکریم فضل ګډون کړی.
د روسیې سیمهییزو خبرو اترو مرکز د دې ناستې موخه د ناسمو معلوماتو خپراوي پر وړاندې د عامه پوهاوي لوړول، د خبرونو او اطلاعاتو په چمتوو کولو کې د مصنوعي ځیرکتیا ناسمې کارونې او د ناسمو معلوماتو پر ضد د ګټورو حل لارو وړاندې کول بللي.
د سیمهییزو خبرو اترو مرکز د لومړي ځل لپاره د ۲۰۲۴ زېږدیز کال په نومبر میاشت کې جوړ شو چې د روسیې له ټاس خبري اژانس سره په همکارۍ یې د حقیقت موندلو نړیواله شبکه تأسیس کړه.
