د امر بالمعروف، نهې عن المنکر او شکایتونو اورېدلو وزارت ویاند د بیان ازادۍ ته د شریعت او افغاني کلتور په چوکاټ کې ژمنتیا ښي او خلکو ته ډاډ ورکوي چې رسنۍ په هره برخه کې ازاد فعالیت کولی شي.
سیف الاسلام خیبر د بشري حقونو د څار بنسټ د وروستي راپور په غبرګون کې وایي، د بشري حقونو دغه راز سازمانونه هر څه د خپلو استخباراتي موخو لپاره ترسره کوي او تېرو څو لسیزو کې یې د بشري حقونو سمه دفاع نه ده کړې.
د بشري حقونو د څار بنسټ په یوه راپور کې ویلي وه چې د اسلامي امارت له بیا واکمنۍ راهیسې پر رسنیو محدودیتونه لګېدلي او د خبريالانو پر وضعيت يې اندېښنه څرګند کړې وه.
