Skip to content
د افغانستان اسلامي امارت د ویاند مرستیال انعام الله سمنګاني د ايران د سفير وروستۍ څرګندونې د افغانستان په کورنیو چارو کې لاسوهنه ګڼلې ده.
وړاندې په کابل کې د ایران سفیر ویلي،که اسلامي امارت ټول شموله حکومت جوړ نه کړي، ایران یې په رسمیت نه پېژني.
سمنګاني پوښتلي چې ايا د ايران حکومت يا کابينه د هغه تعریف له مخې چې ايران سفير يې کوي،ټول شموله ده که نه ده؟
سمنګاني ویلي، هر هېواد د ټول شموله حکومت لپاره ځانګړى تعریف لري،چې د خپلو ملي ګټو په رڼا کې يې تعریفوي.
ايران افغانستان کې د ټول شموله حکومت غوښتنه کوي،خو خپله بیا دغه هېواد سني مسلمانان په خورا بد حالت کې ساتل شوي او په ټول تهران کې سنيانو ته د يو جومات د جوړولو اجازه هم نه ورکوي.
ایران اوس مهال په خپله کابينه کې لږ تر لږه یو سني وزیر هم نه لري.
