په سوېل کې د پکتیا احمد خېلو ولسوالۍ ځايي مسوولین وايي، د امنیه قوماندانۍ او د ملي اردو کنډک ټول نظامي وسایط او وسلې یې تر اوسه پورې په خوندي ډول ساتلي دي.
د احمد خېلو والسوالۍ د استخباراتو مدیر عابد سنګین وایي، حکومتي مسوولینو د سقوط پر مهال ټول وسایط او وسلې دوی ته د لیست له مخې وسپارلې او تر اوسه پورې په خوندي ډول ساتل کیږي .
سنګین زیاته کړه:د حکومت کسان لا نه وو تللي،چې موږ ولسوالۍ او نورو ځایونو ته داخل شوو.دوی نظامي وسایط او وسلې ټول موږ ته وسپارل او تر اوسه پورې په خوندي ډول ساتل کېږي.»
اخوا د احمدخیلو ولسوال صادق عمیر بیا وايي، د امنیه قوماندانۍ له وسایطو او وسلو اړوند کسان استفاده کوي او اردو وسایط او وسلې به د کنډک اړوند کسانو ته چې لا نه دي ځای پر ځای شوي وسپارل شي.
عمیر زیاته کړه:« دلته نږدې د امریکایانو بیزو، د اردو سرتیري په کې اوسیدل، موږ ته تر اوسه پوې کنډک نه دی را لیږل شوی او نږدې ورځو کې را لېږل کېږي،چې راشي د اردو اړوند وسایط او وسلې به هغوی ته وسپارو.»
