Skip to content
د کندهار – هلمند لارې یو شمېر موټر چلوونکي او مسافر وایي، پر دغه لویه لار هغه پلچکونه د باران سېلابي اوبو وړي،چې په ماینونو تخریب شوي وو او بیا د سیمې د اوسېدونکو له لورې په غیر مسلکي توګه یوازې په خاورو ډک شوي ول.
نن او پرون د باران د زیات ورښت له امله دغه لار په ډېرو ساحو کې بنده وه او پلچکونه یې اوبو وړي وو.
موټر چلوونکي او مسافر وایي، د باران له امله د دغو پلونو د خرابېدو په لاره کې له ستونزو سره مخ کړي.
د دغو موټر چلوونکو په خبره: «دغه پلونه، بمونو او چاودنو کې وران شوي و، بیا د سیمې خلکو په غیر مسلکي ډول له خاورو ډک کړي وو، چې اوس د باران او سیلابونو له امله وران شوي.»
تر دې وړاندې د اسلامي امارت مسوولینو ویلي وو، چې د هغو پلونو او لارو د بیا جوړولو چارې یې پیل کړي،چې په جګړو کې وران شوي وو.
