Skip to content
د کندهار والي ته نږدې سرچینو ویلي، د چهار شنبې پر ورځ د «۱۴۰۰ کال د مرغومې پر ۸ مه» د اسلامي امارت امیر المومنین شیخ هبت الله اخوند زاده په کندهار کې يوه ناسته کې را څرګند شوی دی.
اخوندزاده د کندهار ولايت مقام په ودانۍ کې د دغه ولايت له والي، رئيسانو او ولسوالانو سره ګډه ناسته کړې ده.
سرچینې ویلي، ملا هبت الله په دغه ناسته کې د عمومي عفوې د مراعت ترڅنګ له خلکو سره پر ښه چلن ټینګار وکړ.
هغه ویلي،عمومي عفوه عملي کړئ او د تیر نظام کار کوونکو ته د تیرو جرمونو جزا مه ورکوئ.
امیرالمؤمنین ویلي، په ولس یې خوا بدېږي او هېڅکله ورسره ظلم ونه کړئ، ځکه په وینا یې د ظلم پایله بده ده.
نوموړي ویلي، د ټولو افغانانو د امید سترګې اسلامي امارت ته دي،نو مسوولین دې د هغوی د امن وسیله وګرځي او د عزت ساتنه دې وکړي.
هبت الله سپارښتنه کړې، چې داسې مسولیت ترسره کړئ،چې سبا په تولنه کې په رڼو سترګو ولس ته وکتلی شئ.
په توله کې هغه په ۱۸ مواردو کې سپارښتنې کړي او یو طالب ویاند ډاکتر نعیم پر خپله ټویټر پاڼه لیکلي،هغه په کراتو په هرات، نیمروز او کندهار کې له علماوو او مسوولینو سره کتلي دي.
