دا کمیسیون،چې له دیموکراتانو او جمهوري غوښتونکوتشکیل دی، شپاړلس غړي لري ، فعالیت به یې د درې کلونو لپاره وي او خپل لومړی راپور به یو کال وروسته اعلان کړي.
د افغانستان د جګړې ارزونې کمیسیون وايي:«په افغانستان کې د نږدې دوه نیم زره امریکایانو له مرګ، شل زره ټپیانو او د نږدې دوه ټریلیونه ډالرو لګولو وروسته دا د امریکا ملت لپاره اړینه ده،چې هلته د امریکا د شل کلن حضور په اړه ارزوونه وکړي. دا ارزونه باید له سیاسي غرض پرته، بې پرې او هر اړخېزه و اوسي.»
دا چې له افغانستانه د امریکا سیاسي او پوځي ټغر ورټول شوی دی، په سږنۍ بودیجه کې یې تمرکز د کورونا وبا ترڅنګ پر ایران، چیناو اکراین دی.
د امریکا د سږ کال بودیجه له اوسنۍ کچې ۲۵ میلیارد کمه وړاندیز شوې وه،خو دوه ګونو جرګو له چین او روسیې سره د سیالۍ لپاره نږدې ۲۷۰ میلیارده ډالره وټاکله.
