کابل کې د پاسپورټ وېش بهیر د درې ورځو لپاره وځنډېد

په کابل کې د پاسپورټ ریاست د رسنیو مسوول شفیع الله تسل منلې،چې د راتلونکو ورځو لپاره به د پاسپورټونو د ویش بهیر بند وي،خو د لامل په اړه یې څه نه دي ویلي.

ویل کېږي، دا اقدام د کورنیو چارو وزارت په لارښوونه شوی دی. 

بل پلو د پاسپورټ رییس مولوي علم ګل حقاني د یوه ویډیو پیغام له لارې خبر ورکړی  دی، چې تردې وروسته به د پاسپورټونو غوښتنلیکونه یوازې په آنلاین توګه ثبتوي او په کاغذي غوښتنلیکونو به احکام نه ورکول کیږي.

ګل حقاني ویلي،اوسمهال د پاسپورټ ریاست ویب پاڼه پرانستې ده او هرڅوک کولی شي،په اسانۍ سره غوښتنلیک ثبت کړي.