د افغانستان کورنیو چارو وزارت وايي، د مخکیني حکومت هېڅ کارکوونکی د دوی له خوا نه دی وژل شوی او کوم کسان چې وژل شوي دي، لامل یې هم شخصي دښمنۍ دي،چې عاملین یې له لوري نیول شوي دي .
د یاد وزارت مرستیال ویاند انجینر ازعزام وايي:« دا چې په خواله رسنیو کې بعضي وختونه دځینو مغرضو کړیو له لوري د کومو امنیتي کسانو د وژنې راپورنه خپریږي،هغوي ټول په خپلو شخصي دښمنیو کې وژل شوي،چې عاملین یې هم د افغانستان اسلامي امارت سرتېرو له لوري نیول شوي دي.»
کورنیو چارو وزارت وايي، دعفوې فرمان له ورکړې وروسته د تیرې دولت هېڅ کار کوونکی د تېرو کړنو په تور نه دی نیول شوی.
خو عزام وايي، د مخکیني نظام کارکونکو ته خبرداری دادی، که دنظام تخریب هڅه وکړي، قانوني چلن به ورسره وشي.
عزام زیاته کړه:« دافغانستان داسلامي امارت دعفوې له فرمان وروسته د تیرې ادارې هېڅ کارمن په تېرو کړنو نه نیول شوی او نه وژل شوی دی. البته که د تېرې ادارې کوم کارمن دعفوې له فرمان ناوړه ګټه او یایې هم دنظام د تخریبولو هڅه وکړه،هغوي به دمجاهدینو له لوري ونیول شي او قانون منګلو ته به سپارل کېږي.»
