اوغلو: د کډوالۍ د مخنیوي لپاره له اسلامي امارت سره اړیکه کې یو

د ترکیې بهرنیو چارو وزیر مولود چاوش اوغلو سه شنې پر ورځ د «۱۴۰۰ کال د مرغومې پر ۱» د هنګري په پلازمېنه  بوداپست کې د څلورو اروپايي هېوادونو بهرنیو چارو وزیرانو ناستې ته د وینا پر مهال وویل، هېواد یې تراوسه پورې پر کډوالو ۴۰ میلیونه  ډالر لګولي دي.

په ورته وخت کې اوغلو له افغانستانه ترکیې ته د کډوالو د بهیر په ورماتیدو اندېښنه ښودلې ده.

اوغلو ویلي،په تدریجي ډول طالب مشرانو سره اړیکه کې  دي،ترڅو د کډوالو د ستر موج مخه ونیسي. 

په دې ناسته کې د ترکیې ترڅنګ د کوربه هېواد هنګري، چک، پولنډ او سلواکیا د بهرنیو چارو وزیرانو برخه اخېستې وه.

د کابل له سقوط وروسته ګڼ شمیر افغان کډوال ایران او له هغه ځایه ترکیې ته تللي او دا لړۍ لا هم دوام لري.