Skip to content
د افغانستان لپاره د امریکا ځانګړي استازي ټوماس وېسټ وايي، د افغانستان په اړه د اسلامي هېوادونو د همکاریو سازمان له ناستې هرکلی کوي.
وېسټ پر خپله ټویټر پاڼه لیکلي،په دې ناسته او دغه راز د دغه هېواد په اړه د بهرنیو چارو وزیرانو په یوه ناسته کې په اسلام اباد کې ګډون کوي.
ټاکل شوې ده، چې په پاکستان کې نن د افغانستان په اړه د اسلامي همکاریو سازمان ناسته جوړه شي.
په ناسته کې د ګډون لپاره له غړو هېوادونو سربیره د چین، روسیې،جرمني او ځنې نورو اروپايي هېوادونو او د یو شمېر مرستندویه نړیوالو بنسټونو استازو په ګډون د نږدې ۹۰ هېوادونو او سازمانونو استازي برخه اخلي.
ټاکل شوې،چې په اسلام اباد کې د اسلامي هېوادونو د همکاریو سازمان ناستې سربېره د ترویکا فارمټ ناسته هم جوړه شي.
امریکا ویلي، د هغو کنفرانسونو هرکلی کوي،چې له افغانستان سره د بشردوستانه مرستو، همکاریو او بشري خدماتو په موخه جوړېږي.
