Skip to content
د سیاسي چارو کارپوهان وايي، امریکا فشارونو سره غواړي،اسلامي امارت دې ته اړ کړي،چې خپلې غوښتنې پرې ومني.
د پوهنتون استاد فیض محمد ځلاند وايي:« داسې ښکاري،چې امریکا له هر ډول فشار استفاده کوي،ترڅو طالبان اړ کړي، چې له امریکا سره پر ځنو مسایلو کې بحثونه وشي، د ښځو حقوق،دهغوی کار،زده کړې، د سیاسي مشرانو داخلول،په سیاسي پروسه کې د طالبانو له اړخه یو پراخ بنسټه حکومت دي او د دې ترڅنګ د تېرو شلو کلونو پرمختګونه چې امریکا او نورې نړۍسرهتېرحکومت راکړه ورکړه، ستراتیژیک تعلاقاتو کې همغږي رامنځ ته کول دي.»
طالبان او امریکا خپلو کې د دوحې هوکړه لري،چې د سولې خبرو په پایله کې لاسلیک شوه.
د شنونکي په دې باور دي،چې امریکا غواړي، له اسلامي امارت سره خبرو کې دې پایلې ته هم ورسیږي، چې افغانستان کې د ایران،چین او روسیې پرمختګ ډب کړي او په سیمه کې دافغانستان بهرنی سیاست امریکا اداره کړي.
د دوی په خبره، چې دا یوه داسې چاره ده،چې د افغانستان اسلامي امارت حاکمیت ننګولی شي.
شنونکی عبدالحی قانت شنونکی وايي:« امریکا دا مالومول غواړي،هغه اورپکي چې هغه د امریکا ملي امنیت ته ګواښ وي،افغانستان کې شته او کنه او اسلامي امارت یې په مخنیوي کېڅومره بریالی وه،دا اوله موضوع ده.دویمه موضوع امریکا غواړي،په دې وپوهیږي،چې د افغانستان نوی حکومت په نړیوال سیاست کې د کوم بلاک برخه ده.امریکا په دې نه ده خوښه،چې سیمهکې دې چین ایران او روسیه ښکیله وي.»
اسلامي امارت بیا له امریکا غواړي،چې مشران یې له تورلیسته وباسي او حکومت یې پر نړیواله کچه ومنل شي.
شنونکي وايي،دې هدف ته د رسېدو لپاره اسلامي امارت په تیرو څلورو میاشتو کې ناکام وو او باید خپله تګلاره بدله کړي.
شنونکی طارق فرهادي وايي:« اسلامي امارت باید دا ومني،چې په تېرو څلور میاشتو کې د نړیوالو باور تر لاسه کولو کې ناکام وه. په کار ده،چې کار کړنه کې بدلون راولي، شورا تشکیل کړي اوپه حقیقت کې حکومت ټولشموله کړي.»
د افغانستان د بهرنیو چارو وزارت وایي، له امریکا او نورو هېوادونو سره په متقابل درناوي ولاړې اړیکې غواړي او امریکا باید د یوه خپلواک هېواد په توګه له افغانستان سره ښې اړیکې وساتي.
