د یادې کمېټې مشر محمد عالم شهاب وايي، په پام ې لري،چې په راتلونکي کې هم ورته مرستې وکړي او د بې وزلو لاسنیوی وکړي.
شهاب زیاته کړه:« بالاخره دې پایلې ته ورسېدو،چې نن د بګرامیو ولسوالۍ ته راغلو او له ۵۵۰ بې وزله کورنیو سره مرستې وکړو. زموږ مرستې به له ژمنې سره سمې روانې وي. اوونۍ کې ۵۰۰ یا زر او یا مو چې څومره وس وو، له خپلو خلکو سره ولاړ یوو.»
اړمنې کورنۍ وايي، بې کارۍ او د ژمي سړې هوا اندېښمن کړي او له مرستندویه بنسټونو غواړي،چې د درملو او پوښاک مرستې هم ورسره وکړي.
یوه بې وزله وايي:« دوه میاشتې کېږي،ډوډۍ مو نه ده پخه کړې، کله د سل، کله پنځوس او کله د ۱۵۰ افغانیو ډوډۍ راوړو او بسنه هم راته نه کوي. د بوشکې غوړ اخېستو وس نه لرو،پاکټ اخلو،هغه هم په ۱۵۰ افغانۍ چې دوه ورځې مو نه کېږی.»
یو بل بې وزله وايي:« دا اوس ژمی دی. داسې کورنۍ شته دی،چې په کور کې ګاز نه لري، لرګي او نور هېڅ شی نه لري. د ماشومانو او سپین ږیرو به څه حال وي. تاسې ورشئ وګرځئ،سروې وکړئ چې د ولس څه حال دی.»
