کابل به راتلونکې اوونۍ د افغانستان، پاکستان او چین د درې اړخیزې غونډې کوربه وي.
په غونډه کې به له ترورېزم سره پر مبارزې، د سولې ټینګښت، د کابل او اسلام اباد ترمنځ د کړکېچ حل او د اقتصادي همکاریو پر پراختیا خبرې وشي.
دغه راز ویل کېږي چې په دې غونډه کې به د کابل او اسلام اباد ترمنځ له ترورېزم سره د مبارزې په هدف د همکاریو یو توافق هم لاسلیک شي او چین به د هوکړه لیک د عملي کېدو لپاره د څارنې رول اداء کړي.
دغه غونډه د درې واړه هېوادونو د بهرنیو چارو د وزیرانو په کچه جوړېږي.
چین علاقه لري چې د کابل او اسلام اباد ترمنځ د ستونزو او کړکېچ په حل کې منځګړیتوب وکړي.
د افغانستان، پاکستان او چین لومړۍ درې اړخیزه ناسته تېر کال د ډيسمبر په میاشت کې په بیجینګ کې جوړه شوې وه.
