امریکا بهرنیو چارو وزارت: بندیزونه به مو افغانانو ته د بشري مرستو رسولو کې خنډ نه شي

د امریکا بهرنیو چارو وزارت ویاند نیډ پرایس ویلي،د دوی محدودیتونه او بندیزونه به د دې لامل نه شي،چې افغانان له بشری حقونو محروم شي.

پرایس ویلي،نړیوال کولی شي، له افغانستان سره بشردوستانه مرستو ته ادامه ورکړي او په دغه هېواد کې رامنځ ته شوی بشري ناورین کنټرول کړي.

په ورته وخت کې  هغه په افغانستان کې د بشري حقونو د وضعیت په اړه وروستي خپاره شوي راپورونه اندېښمنوونکي وګڼل او زیاتوي،چې طا لبانو ته په کار ده،چې د ټولو افغانانو حقونو ته درناوی وکړي او د خوندي کولو لپاره یې هڅه وکړي.