خوستی: هېواد کې د جنايي او امنیتي پېښو کچه ټېټه شوې

کورنیو چارو وزارت ویاند قاري سعید خوستی  وایي، په ټول هېواد او په ځانګړې توګه کابل کې د جنایي او امنیتي پېښو کچه ټیټه شوې ده. 

خوستي پر خپله ټویټر پاڼه لیکلي، نن درېیمه ورځ ده،چې د کابل په ښار کې په ۲۴ ساعتونو کې د جنايي او امنيتي پيښو کچه په بې ساري توګه راټيټه شوې ده.

خوستي لیکلي، پرون ورځ یې دوه جنایي او یوه امنيتي پيښه درلوده،وړمه ورځ او هغې وړاندې یې درې جنايي پيښې درلودې.

نوموړي دا هر څه د الله نصرت او د ولس بې سارې همکاري بللې ده.