د یوه شرکت مسوول خپلواک افغان وايي:« یا روزمره راکړه ورکړه کوي، د دولت پیسې دي، له خپل اکاونټ يې ورکوي،خو نه يې شي ورکولای، حکومت له يوې خوا زور اچولی پر خلکو، فشار يې اچولی،چې د برېښنا بيل تاویل کړي، له بل پلوه خلکو سره نغدې پيسې نه شته دی.»
د ځنو شرکتونو مسوولین بیا وايي، د بريښنا په پرې کېدو سره يې کارونه له خنډ سره مخ شوي او که ياده ستونزه ژر حل نه شي،درانه مالي زیانونه به ور واړي.
د یوه شرکت مسوول محمد نبي وايي:« باید دغه ستونزه د افغانستان بانک حل کړي.زموږ پیسې په اکاونټونو کې شته دي، عزيزي بانک يې موږ ته نه راکوي، يا دې زموږ له اکاونټونو څخه پیسې وګرځول شي. ځکه زموږ فابريکو باندې برېښنا پری شوې ده، يانې په هره فابريکه کې دوه سوه پنځه سوه کسان کار کوي.»
اخوا د اقتصادي چارو یو شمېر شنونکي بیا وايي،د شرکتونو په اړه دا ډول پریکړې منصفانه نه دي او په کار دا وه،چې د پورونو راټولو لپاره قرضدارانو ته وخت ورکړل شوی وای.
د اقتصادي چارو شنونکی رحیم الله مرجان وايي:« د شرکتونو په اړه دغه ډول پریکړې غیرې منصفانه دي او د دوی په اړه بايد د برېښنا شرکت وخت ورکړي،چې په کرار کرار يې پورونه پرې کړي.»
د افغانستان برېښنا شرکت وايي،د برېښنا له درکه د ترکمنستان او ازبکستان هېوادونو میلیونونه ډالر پورړوی دی او اړ دي،چې د دې پور خلاصولو لپاره له خپلو پورونو ۲۴میلیارده افغانۍ راټولې کړي.
