کډوالۍ نړیوال سازمان:افغانستان کې مرستې رسونې بهیر کې د چا لاسوهنه نه منو

په افغانستان کې د کډوالۍ نړیوال سازمان مسوولینو ویلي،دوی له افغانانو سره مرستو ته ژمن دي او هڅه کوي،چې خپلې مرستې پراخې کړي، خو په وینا یې د چا فرمایش او لاسوهنه نه مني او کېدای شي دا بهیر زیانمن کړي.

دوی پر ټولو اړخونو غږ کړی دی،چې د یاد سازمان کار کوونکو ته د خپلو فعالیتونو اجازه ورکړي.

یادې ادارې دا نه ده څرګنده کړې،چې څوک یې په چارو کې لاسوهنه کوي.

بل پلو عام ولس اندېښنه لري،چې نړیوالو ادارو او بنسټونو افغانستان کې موازي حکومتونه پیل کړي او ښایي په راتلونکي کې بدې پایلې ولري.