شنونکی طارق فرهادي وايي:« د سمیې هېوادونو او نړۍ چې کوم تعامل کابل سره لري دا د امنیتي او اقتصادي ګټو پر اساس دی،داچې پر رسمیت یې نه پېژني دا په دې مانا چې د طالبانو د حکومت ترکیب یې خوښ نه دی.»
شنونکي وايي، د کابل او نړیوالو ترمنځ د تعامل بل هدف دا دی،چې نړیوال نه غواړي، په راتلونکې کې د دوی ملي حاکمیت او کورنی امنیت له افغانستان څخه زیانمن شي.
پخواني ډیپلوماټان وایي، نړیوالو ته په کار ده،چې د افغانستان نوي حاکم حکومت سره خپلې اړیکې وساتي.
پخوانۍ ډیپلوماټه شکریه بارکزۍ وايي:« زه فکر کوم لومړی نړیواله ټولنه د بشري ناورین د مخنیوي په برخه کې مرسته کوي او د دې ترڅنګ د هغوی د ملکونو د ملي ګټو پر اساس نه غواړي،راتلونکې کې له افغانستانه دوی ته خطر متوجې شي. دوی ته په کار ده،چې افغانستان کې له نوي نظام سره اړیکې وساتي،ترڅو یوې هوکړې ته ورسیږي.»
اخو ځنې نور بیا ټینګار کوي،چې نړیوال نباید پداسې یوه وضعیت کې چې له نیمايي زیات افغانان له فقر سره م خدي هیر کړي او د افغانستان ستراتیژیک موقیعت ته په کتو دې نړیوال له اسلامي امارت سره ښې اړیکې ولري.
شنونکی سرور نیازی شنونکی وايي:« دلته یوازې د طالبانو د حکومت مسله نه ده،دېرش میلیونه افغانان له فقر او بېکارۍ سره ژوند کوي، نو یو خوا باید افغان ملت هېر نه شي او له بل پلوه د افغانستان ستراتیژیک موقیعت دی،چې لري یې نړیوال باید اړ اېستل شي،چې له افغانستان سره ښې اړیکې ولري.»
پر افغانستان د اسلامي امارت له واکمنۍ کابو سل ورځې پوره شوې،خو تر اوسه پورې ېد نړۍ هېڅ یوه هېواد اسلامي امارت پر رسمیت نه ده منلی.
اندېښنه داده،که نړیوال د خپلو ګټو او اسلامي امارت د خپلو ګټو د خوندیتوب په هڅه کې سیالي کوي،لرې نه ده،چې افغانان به له یوه سخت ناورین سره مخ شي،چې پایله به یې ټولو ته ګواښوونکې تمامې شي.
