وثیق: په تېرو دوو اوونیو کې ۶۹۸ ټنه وچه مېوه له افغانستانه بهر ته صادره شوې

د اسلامي امارت مرستیال ویاند مولوي احمدالله وثیق پر خپله ټویټر پاڼه لیکلي،د لړم میاشتې په وروستیو دوو اوونیو کې ۶۹۸ ټنه وچه مېوه چې ۵۸۵ ټنه  یې ممیز دي. اروپايي، اسیايي، امریکا او اسټرالیا ته صادر شوي دي.

اسلامي امارت مسوولین وايي، له ګڼو هېوادونو سره یې سوداګریزې اړیکې ښې شوي او اوس مهال ګڼو هېوادونو ته له پخوا ښه صادرات روان دي.

بل پلو په کابل کې د چين سفير ويلي، هېواد يې په پام کې لري،چې له افغانستانه وچه ميوه وپيري.

وانګ یوو ویلي، چين به په دې برخه کې خپل شفافيت پراخ  او خپل امکانات به له افغانستان او د نړى له نوروهېوادونوسره شريک کړي.