Skip to content
د امریکا کانګرس په افغانستان کې د خپل شل کلن ماموریت، د امریکا د ماتې او د مخکیني افغان حکومت د سقوط ارزونه کوي.
راپورونه وایي، د امریکا کانګریس یو پلاوی ګومارلی، چې په هر اړخیزه توګه د سپټمبر یوولسمې له پېښې د کابل تر سقوط؛ د امریکا ټولې تېروتنې و ارزوي.
دوی به په دې موده کې د څلورو امریکايي ولسمشرانو د ماموریتونو څرنګوالی هم ثابت کړي.
کانګرس له ټولو اطلاعاتي، استخباراتي او نظامي ادارو د همکارۍ غوښتنه کړې، چې باید ټول اطلاعات وارزول شي، چې چا د افغانستان په اړه څه ډول مشوره ورکړې ده.
د امریکا کانګرس ویلي، ټول هغه اشخاص او امریکايي مقامات باید مشخص شي، چې د افغانستان په اړه یې مشورې ورکړي او د دوی د پرېکړو او مشورو پایلې هم باید روښانه کړل شي.
