راپورونه: اریانا افغان الوتکو انقرې ته الوتنې پيل کړې

 د کابل – انقرې تر منځ پروازونه د تېر حکومت تر سقوط وروسته تړل شوي وو، چې پرون ماښام بېرته پیل شول.

راپورونه بهرنیو چارو وزارت کې د یوې سرچېنې له قوله لیکي، چې تېر ماښام د اریانا افغان هوايي شرکت یوه الوتکه انقرې ته رسېدلې ده.

سرچینې ویلي، تر دې وروسته به د کابل – انقرې تر منځ نور پروازونه هم ترسره شي.

اریانا افغان هوايي شرکت په دې وروستیو کې اسلام اباد او دوبۍ ته هم پروازونه پیل کړي دي.