په غونډه کې د کانونو او پتروليم وزير، په کابل کې د ترکمنستان سفير او د دواړو هېوادونو د وزارتونو مرستیالان، امنیتي چارواکي او د سوداګرۍ او صنایعو خونې مسوولینو ګډون درلود.
د اسلامي امارت د کانونو او پتروليم وزير ویلي، د ټاپي پروژې د عملي کار د پیل پر وړاندې شته ستونزې هوارې شوي او د ځمکې له استملاک سره به د دغې پروژې عملي کار پیل شي.
د کانونو او پټرولیم وزیر حاجي محمد عیسی اخوند ویلي، افغانستان، پاکستان او هند ته د ترکمنستان د سوداګریزو توکو د صادراتو د ټرانزیټ برخه کې هم همکاریو ته چمتو دی.
کابل کې د ترکمنستان سفیر خواجه عوضوف، چې د ترکمنستان د پلاوي مشري یې پر غاړه ده ویلي، هېواد یې له افغانستان سره د سیاسي او اقتصادي اړیکو د پیاوړتیا لپاره هڅې کوي.
د ترکمنستان سفیر د رېل پټلۍ، ټاپي او برېښنا پروژو د عملي کار په پیل کې هم خپله همکاري او چمتوالی اعلان کړ.
اوسمهال د صنعت، امنیت او سرحدونو، ریل پټلۍ، ټاپي او سوداګرۍ او اقتصادي برخو کې د دواړو هېوادونو ګډې کمېټې جوړې شوي، چې د پرژو د عملي کار او د دواړو هېوادونو ترمنځ د هوکړو پر څرنګوالي کار وکړي.
