خوستی: د ډاکټر نادر عالمي د تښتونې په تور اته کسان نیول شوي

د کورنیو چارو وزارت ویاند قاري سعید خوستي پر خپله ټویټر پاڼه لیکلي، د انسان تښتونکو د هغې لس کسیزې ډلې اته تنه غړي نیول شوي، چې دوه کسانو نورو یې ډاکتر نادر عالمي وژلی وو.

سعید خوستي ویلي، ډاکتر عالمي د تښتونې په قضیه کې لس کسان ښکېل وو، چې له ډلې یې اته کسان ونیول شول، خو هغه دوه کسان نه دي نیول شوي، چې ډاکتر عالمي یي په شهادت رسولی دی.

د خوستي په وینا، مزارشریف ښار کې درې تنه حاجي محمد یوسف، حاجي امان الله او ډاکتر محمد نادر عالمي تښتول شوي وو، چې په خبره یې حاجي محمد یوسف او حاجي امان الله یې ژغورلي، خو ډاکتر محمد نادرعالمي انسان تښتونکو وژلی دی.

سعید خوستي ویلي، اته انسان تښتوونکي یې نیولي او دوه نورو پسې چې ډاکتر محمد نادر عالمي یې وژلی، هڅې روانې دي چې ډیر ژر به ونیول شي او د خپلو اعمالو په سزا به ورسېږي.