د طبيعي بېړنیو حالاتو د مرکز مشر احمد خان نافع وايي:« زموږ ګټه ګورئ، په داسې شکل ده، چې هغه ولايتونه په اوله کټګورۍ کې نيسو، چې هغوی باندې ژمی راروان دی او په کې د طبيعي افتونو امکان زيات دی.»
د بشري مرستو د تنظيم او همغږۍ ادارې مشر مولوي شرف الدین مسلم وايي، لا هم د سيمې او نړۍ له هېوادونو سره پر خبرو بوخت دي، تر څو نورې مرستې هم تر لاسه او د خلکو اړتیاوې پوره کړي.
مسلم زیاتوي:« د روسيې له هېواده مننه کوو، چې دغه زموږ خوار ملت، جنګ ځپلي ملت سره يې دا مرسته تر سره کړه. له روسيې دا غواړو، چې خپلو مرستو ته دوام ورکړي. همدا راز له نوور هېوادونو هم غواړو، چې خپلو مرستو ته دوام ورکړي.»
