Skip to content
د کاناډا په بریټېش کولمبیا ښار کې د سختو ورښتونو له امله سیلابونه راوتلي، چې د تګ راتګ ټولې لارې یې تړلې دي.
دغه ښار، چې د وانکو ور ښار لوېدیځ ته پروت دی د سیلابونو له امله په کې ځمک ښوویېدنه هم شوې، چې سړکونه یې ټول بند کړي دي.
د دغو سیلابونو له امله ګڼې ویجاړۍ هم رامنځ ته شوي او تر دې دمه په کې یو تن مړ هم دی، خو د سیمې اوسېدونکي اندېښنه لري، چې د مړو شمېر نور هم زیاتېږي.
د سیمې مشرانو پریکړه کړې، چې د وضعیت تر نورمال کېدو پورې باید غیر ضروري تګ راتګ و نه شي او د حکومت له لورې دې سیمې ته ژر د ژغورنې ډله او مرستې ورسېږي.
اخوا حکومت اعلان کړی، چې د هوا له لارې به سیمې ته مرستې او اړین توکي ورسوي.
کاناډا کې د هوايي چلن ادارې بیا اندېښنه څرګنده کړې، چې په راتلونکو ورځو کې هم د ورښتونو د زیاتېدو له امله د شدیدو سیلابونو راتلو امکانات شته دي.
