اسحقزی: نړیوال دې د افغانستان په اړه خپل مسوولیت ادا کړي

په ملګرو ملتونو کې د افغانستان د تېر حکومت دایمي استازي غلام محمد اسحقزي ویلي، افغانستان کې د یوه ټولشموله حکومت د جوړېدو اړتیا ده.

غلام محمد اسحاقزي د ملګرو ملتونو د امنیت شورا په ځانګړې ناسته کې ویلي، افغانستان باید له اوسني وضعیت وژغورل شي او نړیواله ټولنه دې د بشري مرستو لپاره خپلې هڅې ډېرې کړي.

اسحاقزي ویلي، افغانستان کې له داخلي جګړو د مخنیوي په موخه اړتیا ده، چې یو ټولشموله حکومت جوړ شي.

نوموړي زیاته کړې، ټول شموله حکومت کولی شي ترهګرې ډلې له منځه یوسي.

اسحاق زي ټینګار کړی، چې ملګري ملتونه او نور نړیوال بنسټونه د افغانانو پر وړاندې مسوولیت لري او باید همکارۍ ډېرې کړي.