Skip to content
د ازبکستان بهرنیو چارو وزیر عبدالعزیز کاملوف ویلي، له نړیوالې ټولنې غواړي،چې د افغانستان ملي شتمني ازاده او نوی حکومت یې پر رسمیت وپېژني.
کاملوف ویلي، افغانانو په کلونو کلونو جګړې تجربه کړې او نور باید دا ستړي وګړي د نړیوالې ټولنې د بندیزونو له امله سختې ونه ګالي.
هغه زیاته کړې،په سوله ییزه توګه افغانستان کې د شته ستونزو حل غواړي او له دغه هېواد سره د دوه اړخېزو دوستانه اړیکو پراختیا یې د بهرني سیاست مهم لومړیتوب دی.
نوموړي ویلي، له افغانستان سره د متقابل درناوي، د حقونو د برابري او د دغه هېواد په کورنیو چارو کې له مداخلې پرته ټینګې دوستانه اړیکې غواړي.
