Skip to content
د افغانستان بهرنیو چارو سرپرست وزیر امیر خان متقي د سه شنبې پر ورځ د «۱۴۰۰ کال د لړم پر ۲۵ مه » د افغانستان لپاره د ایران له ځانګړي استازي حسن کاظمي قُمي سره لېدنه وکړه.
لېدنه کې دواړو لوریو د اقتصادي، سیاسي او د کډوالو په مساله کې د همکاریو لپاره د تخنیکي ډلو پر جوړولو هوکړه کړې ده.
د بهرنیو چارو سرپرست وزیر امیر خان متقي ویلي، له ایراني پلاوي سره د اقتصاد، سرحداتو، کډوالو او بېلا بېلو نورو برخو کې تخنیکي ډلې راغلي،چې د اسلامي امارت لخوا هم له اړوندو وزارتونو کسان ګومارل شوي.
متقي هیله څرګنده کړې،چې په اقتصادي او سیاسي اړیکو ښه کېدو سره افغانستان او ایران یو بل ته نور هم نږدې شي.
دغه راز د افغانستان لپاره د ایران ځانګړي استازي حسن کاظمي قمي ویلي، د باثباته افغانستان له رامنځته کېدو سره له نورو هېوادونو سره تعامل پراخېږي او ډېرو پرمختګونو ته زمینه برابرېږي.
