امریکا او روسیې افغانستان کې پر ګډو ګټو خبرې کړي

راپورونه وایي، د افغانستان لپاره د امریکا بهرنیو چارو وزارت ځانګړي استازي ټام وېسټ په مسکو کې له خپل روسي سیال ضمیر کابلوف سره کتلي او پر مهمو مسایلو یې خبرې کړې دي.

ټام ویسټ پر خپله ټویټر پاڼه لیکلي، افغانستان کې د روسیې او امریکا پر ګډو ګټو خبرې شوي او دغه راز ټینګار شوی، چې طالبان باید د نړیوالې ټولنې د غوښتنو منلو ته تیار کړل شي.

امریکا او متحدین یې ټینګار کوي، چې اسلامي امارت دې د نړیوالې ټولنې قوانینو او لوایحو ته درناوی وکړي.