د ناروې هېواد د کډوالو چارو شورا د یوې خبرپاڼې په خپرولو سره ویلي، په وروستیو درې میاشتو کې له۳۰۰ زره زیات یوازې ایران ته اوښتي دي او له سختو ستونزو سره لاس او ګرېوان دي.
د افغانستان کډوالو او بېرته راستنېدونکو چارو وزارت ویاند عبدالمطلب حقاني وايي، د افغان کډوالو د ستونزو حل لپاره یې پاکستان ته یو پلاوی لېږلی او ایران ته به یې هم ولېږي.
حقاني زیاته کړه:«موږ زیات کارونه د کډوالو لپاره کړي،ترڅو په پاکستان کي ستونزي حل شي او د دې ترڅنګ یو پلاوی پاکستان ته تللی دی. ډېر ژر به یو پلاوی ایران ته ولاړ شي،چي د افغان کډوالو ستونزه حل کړي.»
بهر ته د افغانانو وتلو لړۍ اوس هم روانه ده او هره ورځ سلګونه کسان د ځمکې له لارې ګاونډیو هېوادونو ته اوړي.
