ننګرهار کې پر ۱۳ سوه جریبه ځمکه د بڼونو جوړولو چارې پيل شوې

د ننګرهار  کرنې رياست په هڅو همکارو پروژو او برنامو له خوا د دې ولايت په ۱۴ ولسوالیو کې پر  ۱۳۰۰ جريبه ځمکه باندې د بڼونو جوړولو چارې پیل شوې، چې یوسل او څلور زره نيالګي به کېنول شي.

د یاد ریاست مشر  مولوي عبدالستار وايي،دا بڼونه په چپرهار، اچين، کوټ، خوږياڼو، روداتو، مومندرې، لعلپورې، دره نور، سره رود، بټي کوټ، هسکې مېنې، شينوارو او پچير اګام ولسواليو کې جوړيږي،چې د ليمو، مالټې، شفتالو، انارو، الوچې او سرو املوکو بوټي به کينول شي.

عبدالستار وایي، راتلونکي پسرلي ته پلان لري چې په پنځلس سوه جريبه ځمکه کې نور باغونه هم جوړ کړي.