یو شمېر امریکایي شنونکو، د اسلامي امارت او نړۍ ترمنځ د خبرو پر دوام ټینګار کړی او ویلي یې دې، که اسلامي امارت غواړي پر رسمیت وپېژندل شي باید له نړۍ سره هوښیار او مناسب تعامل وکړي.
د بارنیټ روبین په نوم یو مشهور امریکایي شنونکي ویلي، په سیاسي لحاظ د امریکا ولسمشر جو بایدن ښایي له طالبانو سره مرسته ونه کړي.
بارنیټ روبین دا هم ویلي، چې په پوځي لحاظ د طالبانو راپرځول هم خورا سخت کار دی او په وینا یې امریکا به بیا پر افغانستان د برید تېروتنه ونه کړي.
نوموړي زیاته کړې، په پوځي لحاظ د طالبانو راپرځول د متحده ایالاتو له وس او توان پورته کار ده.
هغه ویلي، دا سمه ده چې امریکا به په نظامي لحاظ د نړۍ له سترو هېوادونو بلل کېږي، خو په خبره یې څومره لګښت یې چې افغانستان کې په تېره شل کلنه جګړه کې وکړل، بیا به داسې اشتباه ونه کړي.
