Skip to content
ویل کیږي، چې د ملګرو ملتونو امنیت شورا دغه درې تنه پر سعودي عربستان د بریدونو او سرحدي سیمو د نا امنه کولو له امله په تورلیست کې شامل کړي دي.
بریتانیا هم په یوه اعلامیه کې پرون اعلان وکړ، چې پر حوثیانو یې بندیزونه لګولي دي، ځکه هغوی عام وګړي وژني او تاوتریخوالی کوي.
لوېدیځو او ملګرو ملتونو پر حوثیانو د دې له امله بندیزونه لګولي دي، چې څو ځل د دوی له لوري پر پلازمېنه ریاض هوايي بریدونه شوي دي.
راپورونه وايي، دغه درې تنه حوثیان د دې ډلې د لوړ پوړو چارواکو او وزیرانو په کچه موقفونه لري.
په ورته وخت کې ملګرو ملتونو له حوثیانو غوښتي، چې په یمن کې جګړې ته هم د پای ټکی کېږدي او امریکا ترې غوښتي، چې د ایران پر ملاتړ دې سیمه نه نا امنه کوي.
