ملګري ملتونه: افغانستان کې مو روغتیایي کار کوونکو ته اته میلیونه ډالر تنخوا ورکړې

د ملګرو ملتونو روغتیايي ادارې چارواکي وایي، چې له تېرې میاشتې راهیسې  یې ۲۳ زره ۵ سوه روغتیايي کار کوونکو ته معاشونه ورکړی دي.

 د یادې ادارې چارواکو ویلي، دغو روغتیايي کارکوونکو ته یې کابو اته میلیونه ډالر وېشلي دي. 

دا په داسې حال کې ده، چې د افغانستان روغتیایي سکتور ډېری کار کوونکو له تېرو څه باندې دوه میاشتو راهېسې څو ځله د معاشونو د نه اخیستو له امله لاریونونه کړي دي.

څو ورځې وړاندې د افغان جاپان ډاکټرانو خبرداری ور کړی و، که یې معاشونه ور نه کړل او یا هم د روغتون تجهیزاتو ته پام ونه شي نو ښايي د روغتون دروازې وتړل شي.