په ولسي جرګې کې دسولې پر بهیر خبرو بحث تود کړی و .
د ولسي جرګې وکیلان د جرګې له مشر سره په ناندریو واوښتل.
ناندریز ټکی د جرګې د مشر له لوري د اوه لس کلونو د لاسته راوړنو خبره وه چې په خبره یې باید د سولې قرباني نه شي.
وکیلان وايي د سولې پروړاندې دلاسته راوړنو یادول په ښکاره له سولې سره مخالفت او له افغان ولس سره جفا ده .
دوی همدا راز اندېښنه وښوده چې په ټاکنو کې درغلي روانه ده او حق حقدار ته نه سپارل کیږي .
د جرګې رییس عبدالرووف ابراهیمي وویل سوله غواړي خو داسې سوله نه ، چې د تیرې یوې نیمې لسیزې لاسته راوړنې په اوبو لاهو کړي .
ځینو نورو وکیلانو چې له خبرو یې ښکاریدل د سولې له بهیر سره مخالف دي، وویل داسې سوله غواړي چې په عدالت ولاړه او قیمت یې مالوم وي .
دغه څرګندونې د وکیلانو له سخت غبرګون سره مخ شوې .
ملا تره خېل او عبدالله بارکزي وویل په تطرو ۱۷ کلونو کې داسې لاسته راوړنه نشته چې قیمت یې له سولې لوړ وي او دغه ډول څرګندونې د سولې له بهیر سره مخالفت دی .
په ورته وخت کې وکیلانو نیوکه درلوده چې د رایې شمیرنې بهیر شفاف نه دی او د جرګې څوکۍ د پیسو په بدل کې دوطلبۍ ته وړاندې کیږي .
دغه څرګندونې په داسې حال کیږي چې تازه د ټاکنو کمیسیون عملیاتي رییس له نومانانو نه د پیسو اخیستو په تور د کامیابۍ ژمنه به یې ورکوله نیول شوی چې دمګړۍ تر څیړنو لاندې دی .
