سراج الدین حقاني: د طالبانو جنګ د ازادۍ جنګ و 

په ملګرو ملتونو کې د افغانستان دایمي استازي په توګه د اسلامي امارت نوماند محمد سهیل شاهین پر خپله تویټر پاڼه د کورنیو چارو وزارت د سرپرست وزیر مولوي سراج الدین حقاني له قوله ویلي، اسلامي امارت غواړي د نړیوالو سره مثبتې اړیکې ولري.

حقاني ویلي، د طالبانو جنګ د ازادۍ جنګ وو، چې د افغانانو روا حق و.

سراج الدین حقاني ویلي، د دوحې هوکړې ته ژمن دي او د هېچا لپاره ګواښ نه جوړوي.

دغه راز حقاني زیاته کړې، چې د نورو هېوادونو سره د باور جوړولو ته چمتو دي.