د اسلامي امارت مشرتابه پرون په یوه فرمان د شااوخوا ۱۷ ولایتونو لپاره نوي والیان، د ۱۵ ولایتونو لپاره مرستیالان او دغه راز د نهو ولایتونو لپاره امنیه قوماندان ټاکل شوي دي.
د اسلامي امارت د ویاند مرسیتال احمد الله وثیق وايي،کابینه کې بدلون نه راځي او هڅې کوي د ټولو ادارو لپاره وړ کسان پر دندو وګوماري.
وثیق زیاته کړه:« د اړتیا له مخې، تازه ګومارني شوي دي او که نورې ګومارنې هم کېږي، د اړتیا له مخې به وي.»
اسلاميامارت دغه لسګونه نوې ګومارنې په داسې مهال کوي،چې پر سرپرسته کابینه نیوکې لا پرځای پاتې دي او ټولګډونه نه بلل کېږي.
شنونکي ټینګار کوي،چې اسلامي امارت دې د مهمو بستونو لپاره وړ او مسلکي کسان پر دندو وګوماري.
شنونکی محمد نبي افغان وايي:« کومي ګومارني چي کېږي،یو ضرورت دی، باید وړ شخصیتونه په هغو ادارو کي وګومارل شي،چي په چارو کي بلدیت ولري او د خلکو غوښتونو ته رسېدنه وکړي.»
اسلاميامارت نوي ګومارل شوي کسان وړ او د هېواد ګټو ته ژمنې څېرې بللې دي.
