الکوزی: سلګونه سوداګرو هېواد پرې ایښی دی

د افغانستان صنعت او سوداګرۍ خونې مسوولین وايي، تېر حکومت کي شااوخوا دولس سوه سوداګرو هېواد پرې ایښی او خپله پانګه یې ګاونډيو هیوادونو ته لېږدولې ده.

خانجان الکوزی وايي:« داسلامي امارت له راتګ مخکي هم ستونزي وې او  ۱۲۰۰ واړه او غټ سوداګر تللي دي، خو زیاته سلنه سوداګرو هېواد پرې اېښی دی.»

الکوزی وایي، تمه ده،چې د سوداګرو لپاره زمینه سازي وشي، تر څو بېرته هېواد ته راشي، خو په وینا یې ستونزي لاهم شته.

 هغه وايي:« یوشمېر سوداګر بېرته راغلي دي او خپل دفترونه یې پرانېستي دي، خو ستونزي لاهم شته دي.»

یو شمېر سوداګر بیا وايي، اوس مهال ۵۰ سلنه سوداګري په هېواد کي دوام لري، خو ډېرۍ په دې هڅه کي دي، چي هېواد پرېږدي.

افغان سوداګر شعورنیازی وايي:« ۵۰ سلنه سوداګر پاتي دي او فعالیت کوي. ډېر کم سوداګر دي، چي د هېواد پرېښودو تکل نه کوي.»

افغان سوداګر اوس هم د ټي ټي (بانکي چوپړ) او هېواد کې له سیاسي مسایلو په اندېښنه کې دي او روان حالت تردې مهاله دې ته زمینه نه ده برابره کړې، ترڅو تللي سوداګر بېرته هېواد ته را ستانه شي.