ایران هوایي او ځمکني پوځي تمرینونه پیل کړل

د ایران سپاه پاسداران ډلې هوايي او ځمکني نظامي تمرینونه پیل کړي، چې بېړیو او ګڼ شمېر ځواکونو ګډون په کې کړی دی.

ایراني ځواکونه وایي، رادار سیستم یې هم فعال کړی او توغندي هم په سیمه کې ځای پر ځای شوي دي.

دغه تمرینونه د یکشنبې پر ورځ سهار پیل شوي او تر دې دمه مالومات نشته، چې تر څه وخت پورې به دوام وکړي.

امریکا تر دې دمه په عمان سمندر کې د خپلو بېړیو د شتون په اړه ځه نه دي ویلي

د ایران سپاه پاسداران ډله وروسته له هغې دا تمرینونه پیلوي، چې امریکايي ځواکونو د عمان سمندر ته خپلې جنګي بېړۍ وړي دي.