وثیق: ډېر ژر به د نړیوالو لخوا پر رسمیت وپېژندل شو

د اسلامي امارت یو ویاند احمد الله وثیق ویلي، د اسلامي امارت پر رسمیت پېژندلو لپاره افغانستان ټول شرایط پوره کړي او په وینا یې ډېرو جهتونو د افغانستان حکومت ته ډاډ ورکړی، چې دوی به ډېر ژر په افغانستان کې سیاسي او ډیپلوماتیک فعالیتونه پیل کړي.

په ورته وخت کې اسلامي امارت د جرمني د وروستي اعلان هرکلی هم کړی، چې غواړي له امارت سره د تعامل لپاره خبرې پیل کړي.

ویل کېږي، په همدې موخه به راتلونکې اونۍ جرمني کابل ته خپل سفیر مارکوز پوتزیل راولېږي.