یونیسف افغان ښوونکو ته معاشونه ورکوي

یونیسف یا له ماشومانو د ملاتړ ادارې يوې چارواکې ویلي، یونېسف اداره په داسې يوه سيستم کار کوي، چې له مخې به يې افغان ښوونکو ته په مستقیم ډول معاشونه ورکړي.

یونيسف داسې مهال دغه پلان عملي کوي، چې نړيوالې ټولنې د طالبانو له واک ته رسېدو سره اسلامي امارت ته د پيسو پر لېږد بنديز لګولی دی.

د ملګرو ملتونو د ښوونې او روزنې مشرې جينټ ويګلر رويټرز خبري اژانس ته ويلي، چې د دولتي ښوونځيو ټول افغان ښوونکي به په يوه نوي سيستم کې شامل کړي.

تازه دافغانستان مالیې وزارت هم خبر ورکړی، چې ډېر ژر به د پنځه وزارتونو معاشونه ورکړي، چې د پوهنې وزارت هم په کې شامل دی.