افغانستان سره د بشري مرستو پر همغږي د امریکا او ملګرو ملتونو ټینګار

راپورونه د امریکا د پراختیايي ادارې ځينو چارواکو د افغانستان لپاره د ملګرو ملتونو له استازې دیبورا لاینز سره کتلي او امریکايي لوري ویلي، چې له ملګرو ملتونو سره به د خوړو او نورو لومړنیو توکو په برخه کې خپلې مرستې همغږې کړي.

د امریکا پراختیایي ادارې، افغانستان ته د بشر دوستانه مرستو پر رسولو ټینګار کړی او د مرستندویه بنسټونو ترمنځ یې د همغږۍ غوښتنه کړې ده.

ملګرو ملتونو ویلي، افغانان بېړنیو خوراکي مرستو ته اړتیا لري او وخت یې دی، چې د نړۍ شتمن هېوادونه پر وخت دغه مرستې ورسوي.