د پښتون ژغورنې غورځنګ مشر منظور احمد پښتین پر ټولو پښتنو غږ کړی چې د ظلم خلاف ټول سره یو موټی شي او د یو بل درد له یو څو ورځو تېرېدو وروسته هېر نه کړي.
پښتین وایي، د ظلم خلاف د دوی د ملي دریځ قوت ځکه ډېر بریالی نه دی چې خلک ملي احساس په سیمه ییز احساس بدلوي.
نوموړي زیاته کړې، که یوه سیمه کې ریاست ظلم وکړي، نو یوازې د همغې سیمې خلک غږ پورته کوي او د یو څو ورځو له تېرېدو وروسته هر څه بېرته ساړه شي.
د منظور په خبره، پاکستانی ریاست پښتنو ته هېڅ وخت حق نه ورکوي او هېڅلکه به له دوی سره انصاف ونه کړي.
پښتین له پښتنو غوښتي چې د پاکستان خلاف یو موټی شي او په هر وګړي او سیمې شوی ظلم پر خپل ورو او خپل کور ظلم وګڼي.
