د جي شل هېوادونو ناسته کې د ګډون لپاره بایډن روم ته رسېدلی

د امریکا ولسمشر جوبایډن د ایټالیا پلازمېنې روم ته رسېدلی، تر څو په افغانستان کې د بهرنیو ځواکونو تر وتلو وروسته د راغلي وضعیت په اړه له اروپايي مشرانو سره خبرې وکړي.

ټاکل شوې، چې د جي شل سترو صنعتي هېوادونو دوه ورځنۍ سرمشریزه په روم کې جوړه شي، چې یو ځل بیا به د افغانستان په اړه په کې خبرې وشي.

راپورونه وایي، جو بایډن په دغې غونډه کې د ګډون لپاره د ایټالیا پلازمېنې روم ته تللی دی.

ویل کېږي، د جي شل هېوادونو په دغه ناسته کې به په افغانستان کې د ښځینه فعالانو او سیاستوالو خوندیتوب او امنیت باندې هم خبرې وشي.

د جي شل هېوادونو سرمشریزه نن او سبا د ایټالیا په پلازمېنه روم کې ترسره کېږي.