اسلامي امارت له تورلیسته د طالب مشرانو د نومونو اېستلو په تړاو د روسیې له دریځ هرکلی کړی

بهرنیو چارو وزارت د روسیې د ولسمشر ولادیمیر پوتین له هغو څرګندونو هرکلی کړی ،چې ویلي یې و، د ترهګرو ډلو له لیسته د طالب مشرانو د نومونو پر لرې کولو غور کوي.

د افغانستان د بهرنیو چارو وزارت په یوه اعلامیه کې ویلي، افغانستان کې نور د جګړې فصل پای ته رسېدلی او پر نړیوالو یې غږ کړی، چې له افغانستان سره په خپلو اړیکو او تعامل کې مثبت بدلون راولي.

بهرنیو چارو وزارت وایي، افغان حکومت له ټولې نړۍ سره د متقابل تعامل پر بنسټ د مثبتو اړیکو غوښتونکی دی.